شفروليه كروز 2013 فرصة - إعلان #261674

شيفروليه كروز فل كامل 2013 فئة شبه نادرة لهذا الموديل كاملة المواصفات - مكينة كبيرة 1.8 لتر 4 سلندر 141 حصان - قير أوتوماتيك 6 سرعات - تكييف بارد وحار ممتاز - ايرباقات وكالة - اقتصادية في استهلاك الوقود الفل ب95 ريال يمشيك أكثر من 600 كيلو - الممشى: 235 ألف كلم قابل للزيادة - اللون: فضي - الفحص الدوري ساري والاستمارة سارية سيارة قوية وراسية وعزلها ممتاز بالنسبة لفئتها للأمانة بعض مواصفاتها: - دخول ذكي على جميع الأبواب - تشغيل بصمة - فتحة سقف - حساسات وكاميرا خلفية وكالة - إنارة بخاصية Auto - كشافات ضباب - جنوط مقاس 17 انش - مرايا نقاط عمياء - شنطة كبيرة والمقاعد الخلفية قابلة للطي - مقاعد جلد باللون البني الغامق - تحكم دركسون بلوتوث ومثبت سرعة - الدركسون منجد جلد - شاشة لمس وكالة - مدخل USB فلاش وAUX وشاحن - تكاية وسطية أمامية وخلفية وكب هولدر - معاها ستاير قابلة للإزالة تفصيل السيارة بتكمل معي 4 سنوات وبشكل عام حالة السيارة جيدة وانا مهتم فيها والسيارة مصينة ومجددة من ناحية الصيانات المكلفة أتكلم عن أكثر من 14 ألف ريال صيانة فقط آخر سنة شملت: - قير وارد وكالة ممتاز صرت ماشي عليه للحين 8 الاف كيلو - تصفية مكينة وتوضيب للراس - بواجي جديدة - تغيير زيت المكينة والقير أول بأول - تغيير سير التيمن - تغيير الثرموستات كامل مع الهوز - تغيير لوحة اللمس للشاشة - تغيير مبرد زيت المكينة - تغيير كافة الصوف - تغيير غطاء البلوف - كراسي مساعدات أمامية - كراسي المكينة - بطارية جديدة - طرمبة ماء المساحات - فلاتر هواء ومكيف - تنجيد الدركسون بالنسبة للبدي قبل سنتين ونص جاتها صدمة من الخلف وهي واقفة وغيرت الصدام الخلفي والشنطة وصبغتها كامل لتوحيد اللون كلفتني 4500 وحاليًا السيارة ما تخلو من بعض الخدوش والتخميشات غير المؤثرة كلها جات والسيارة واقفة عدا اللي بالرفرف الخلفي موضحة بالصور صارت بعمود المواقف بدون حادث. الشاصي سليم وكالة. بالنسبة للملاحظات: - فيها حذفة بسيطة عاليسار تلاحظها بالخطوط ما تقدر تترك الطارة بالنسبة لي مو مؤثرة - كرسي السائق فيه تشققات - فيها منفذين شاحن سيارة واحد منهم لا يعمل من المالك الأول ما احتجت أصلحه وحاليًا السيارة ما تحتاج أي صيانة واستخدمها يوميًا ولكن في حال حبيت تكمل تجديدها ماباقي غير جلد العكوس وجلد المقصات والأذرعة ومسامير التوازن وبترجع وكالة لكن مو ضروري السيارة تمشيك عادي بدون أي مشاكل ونادرًا أسمع اصوات من تحت. المطلوب 22 ألف وسبب البيع ضائقة مادية فالرجاء عدم البخس والسوم بالمعقول لمن له سومة أقل. بزود المشتري بكل سجلات الصيانة والفواتير ومواعيد الصيانة القادمة إذا رغب.